काठमाडौं । अवैध रुपमा ल्याउँदै गरेको सुनसहित त्रिभुवन विमानस्थलबाट एक जनालाई प्रहरीले पक्रेकाे छ । प्रहरीका अनुसार ८१२ ग्राम सुनसहित मोरङ स्थायी वतन भएका सुरेशकुमार शर्मालाई प्रहरीले पक्राउ गरेको हाे ।
जजिरा एयरलाइन्सको उडानद्वारा दुवईबाट कुवेत हुँदै काठमाडौं आएका राहदानी नम्बर ११६७०५८६ वाहक सुरेशलाई त्रिभुवन अन्तर्राष्ट्रिय विमानस्थल आगमनतर्फको भन्सार चेकजाँच क्षेत्रको एक्स-रे मा जाँच गर्नेक्रममा लगेजमा एक्जिस्टिङ्ग फ्यान तथा साउण्ड स्पिकरभित्र फल्स बटम बनाई लुकाई ल्याएको उक्त सुनसहित पक्राउ गरेको हो ।
यस सम्बन्धमा प्रहरीले थप अनुसन्धान गरिरहेको छ ।
