आज एकैदिन नेपालमा कोरोना भाइरसबाट १ हजार ९६ जना संक्रमित थपिएका छन् । आज ५ हजार ८४ नमुना पिसिआर परिक्षणबाट १ हजार १५ जना र ६ सय ९९ एन्टिजेन परिक्षणबाट ८१ जनाको रिपोर्ट पोजेटिभ आएको स्वास्थ्य मन्त्रालयले जनाएको छ ।
स्वास्थ्य तथा जनसंख्या मन्त्रालयले कोभिड १९ सम्बन्धी दैनिक बिवरण अद्यावधिक गर्दै पछिल्लो चौबीस घण्टामा थपिएका सङ्क्रमितसँगै नेपालमा कोरोनाका कुल सङ्क्रमितको संख्या दुई लाख ८४ हजार ७४२ पुगेको जनाएको छ । पछिल्लो चौबिस घण्टामा २२६ जना सङ्क्रमित निको भएर घर फर्केका छन् ।
हालसम्म दुई लाख ७५ हजार तीनसय जना सङ्क्रमित निको भएका छन् । मन्त्रालयका अनुसार नेपालमा हाल छ हजार २९० जनामा भाइरसको सङ्क्रमण सक्रिय छ । ८५ जना हाल क्वारेन्टाइनमा छन् ।
