काठमाडौं । नेपाल पत्रकार महासंघको अध्यक्षमा विपुल पोखरेल विजयको नजिक पुगेका छन् । निर्वाचन समितिले औपचारिक रुपमा विजयको घोषणा नगरे पनि उनको विजय निश्चित देखिएको छ । नुवाकोटसहित ५ जिल्लाको मत आउन बाँकी छ ।
पोखरेलले दुई हजार एक सयभन्दा बढीको अग्रता लिएकाले उनको प्यानलले विजय जुलुस मनाउन थालेको छ । निर्वाचन समितिका अनुसार अधिकांश उनकै प्यानलका उम्मेदवार विजयी भएको छ । र, साँझ ५ बजे औपचारिक घोषणा हुने बताइएको छ ।
नेपाली कांग्रेस निकट प्रेस युनियन नेपाल, नेकपा माओवादी केन्द्र निकट प्रेस संगठन नेपाल र नेकपा एमालेको माधव नेपाल समूह निकट प्रेस चौतारीसहित ११ संगठनको गठबन्धनको तर्फबाट पोखरेलले अध्यक्षमा उम्मेदवारी दिएका थिए ।
महासंघकै इतिहासमा पहिलो पटक प्रत्यक्ष निर्वाचन प्रणालीमार्फत् भएको निर्वाचनमा १३ हजारभन्दा बढी मतदाता थिए ।
