काठमाडौं । त्रिभुवन विमानस्थलबाट करिब आधा किलो सुनसहित एक जनालाई प्रहरीले पक्राउ गरेकाे छ ।
दुवइ उडानद्वारा दुवईबाट काठमाडौं आगमन भएका यात्रु सिन्धुपाल्चोकका विष्णु बहादुर भण्डारीलाई सुनकाे बाला र विस्कुट आकारको चार टुक्रासहित पक्रेकाे हाे ।
लुकाई छिपाई भन्सार छली गरी लैजान लागेको अवस्थामा भन्सार कार्यालय र विमानस्थल प्रहरीले निजलाई नियन्त्रणमा लिई प्रारम्भिक अनुसन्धान सुरु गरिएकाे प्रहरीले जनाएकाे छ । उक्त सुनकाे तौल ५१६.७२ ग्राम रहेकाे प्रहरीले जनाएकाे छ ।
निजलाई नियन्त्रणमा लिई भन्सार कार्यालय, त्रिभुवन अन्तराष्ट्रिय विमानस्थल गौचरमा बुझाएको प्रहरीले जनाएकाे छ ।