भक्तपुर । भक्तपुरको भक्तपुर नगरपालिका–१ घलाते चोकमा नम्बर नखुलेको टिपरको ठक्करबाट एक पैदलयात्रीको मृत्यु भएको छ ।
शुक्रबार राति टिपरको ठक्करबाट सिन्धुपाल्चोक बलेफी गाउँपालिका–७ का ३५ वर्षीय बलराम तामाङको मृत्यु हो ।
प्रहरीका अनुसार टिपरले पैदलयात्री शिक्षकलाई ठक्कर दिँदा सो घटना भएको थियो ।घटनामा परी मृतक नाइटिङगेल बोर्डिङ स्कुल कुपन्डोल ललितपुरमा कार्यरत थिए ।
टिपरको ठक्करबाट गम्भीर घाइते तामाङको उपचारका क्रममा भक्तपुर अस्पतालमा मृत्यु भएको महानगरीय प्रहरी परिसर भक्तपुरले जनाएको छ ।
प्रहरीका अनुसार तीव्र गतिमा गुडेको टिप्पर बाटो काट्दै गरेका तामाङलाई जोगाउन खोज्दा ठक्कर दिई डिभाईडरमा कोल्टे पर्न गएको थियो ।
