ललितपुर । ललितपुर महानरगरपालिका-२६ सुनाकोठीमा जुवा खेलिरहेका रामबहादुर लामासहित १७ जनालाई प्रहरीले नगदसहित पक्राउ गरेकाे छ । 

अजय महर्जनको ४ तले पक्की घरको दोस्रो तलामा जुवा खेलिरहेका उनीहरूलाई प्रहरीले ३० लाख ८४ हजार ४ सय रुपैयाँसहित नियन्त्रणमा लिएको हो ।

त्यस्तै उनीहरुको साथबाट १९ बुक तास, १६ थान कौडा, तास खेल्दा प्रयोग गर्ने क्यारेमको गोटी ५ थान र १५० थान सिमीको दाना पनि बरामद भएको महानगरीय प्रहरी परिसर ललितपुरले जनाएकाे छ । 

उनीहरूलाई पक्राउ गरी थप अनुसन्धान भइरहेकाे प्रहरीले जनाएकाे छ ।