काठमाडौं । आफूविरुद्ध अश्लील अभिव्यक्ति दिएको भन्दै सपना रोका मगरले दिएको जाहेरीका आधारमा विनयजंग बस्नेत पक्राउ परेका छन्।
फागुन २ मा सपनाले विनयजंगविरुद्ध महानगरीय प्रहरी परिसर काठमाडाैंमा दिएको आधारमा उनी मंगलबार पक्राउ परेका हुन् । बस्नेतलाई काठमाडाैंको नयाँबसपार्कबाट पक्राउ गरिएको परिसरले जानकारी दिएको छ ।
विनयले युट्युब च्यानलमा सपनाविरुद्धको नकारात्मक अभिव्यक्ति दिएको र उनको चरित्र हत्या गराउने किसिमका अभिव्यक्ति दिएपछि यो विषय प्रहरीसम्म पुगेको हो ।
रोक्का मगर पशुपति आर्यघाटमा बेवारिसे शव जलाएका कारण बिबिसीको विश्वका सय प्रभावशाली महिलाको सूचीमा परेकी थिइन् ।
विनयजंगसँगै सपनाले पनि पशुपतिमा बेवारिस शव जलाउने काम गरेकी थिइन्। केही समयअघिसम्म उनीहरु 'बाबुछोरी'जस्तै भएको भन्दै अभिव्यक्ति दिन्थे।
सपनाले बस्नेतविरुद्ध आफूलाई दूर्व्यवहार गरेको भन्दै जाहेरी दिएकी थिइन्।
