चितवन । चितवनको रत्ननगरमा आज बिहान सवारी दुर्घटना हुँदा दुई जनाको मृत्यु भएको छ ।
रत्ननगरस्थित हरिहर मन्दिर अगाडि मिनिबससँग मोटरसाइकल ठोक्किँदा मोटरसाइकलमा सवार दुईजनाको मृत्यु भएको हो ।
बा २ ख ५६७४ नं. को मिनिबस पूर्वतिरबाट र बा ९२ प ५२०४ नं.को मोटरसाइकल पश्चिमबाट आइरहँदा एक–आपसमा ठोक्किएको थियो ।
मृतक २ जनाको नाम खुलिनसकेको इलाका प्रहरी कार्यालयका प्रमुख रविन कार्कीले जानकारी दिए ।
दुर्घटनामा घाइते भएका उनीहरूको पुरानो मेडिकल कलेज भरतपुरमा उपचारको क्रममा मृत्यु भएको प्रहरीले जनाएको छ ।
