दाङमा देउरानीको कुटपिटबाट जेठानीको मृत्यु भएको छ ।
दाङको तुलसीपुर उपमहानगरपालिका–६ मोतिपुरकी ४८ वर्षीया आइती बुढाथोकीको मृत्यु भएको हो ।
सोही स्थानकी ४४ वर्षीया भगवती बुढाथोकीको कुटपिटबाट आइतीको मृत्यु भएको हो ।
आइती र भगवती देउरानी जेठानी हुन् ।
कुटपिटमा संलग्न भगवती बुढाथोकीलाई शनिबार साँझ प्रहरीले पक्राउ गरेको छ ।
भगवतीले माघ २ गते बिहान आइतीलाई कुटपिट गरेकी थिइन् ।
कुटपिटबाट टाउकोमा चोट लागेर गम्भीर घाइते भएकी आइतीको भारतको लखनउमा उपचारका क्रममा शुक्रबार राति मृत्यु भएको हो ।
मृत्युको खबरलगत्तै प्रहरीले भगवतीलाई नियन्त्रणमा लिएर थप अनुसन्धान गरिरहेको जनाएको छ ।
