महानगरीय प्रहरी परिसर ललितपुरको प्रहरी कन्ट्रोलमा फोन गरी अनावश्यक हैरानी दिएको अभियोगमा एक जना पक्राउ परेका छन् ।
मंगलबार दिउँसो प्रहरी कन्ट्रोलमा फोन गरी राति सम्ममा ठूलो अपराध गर्छु अनि आफू नि मर्छु भनि अनावश्यक हैरानी दिएपश्चात तत्काल खटिएको प्रहरीले अभियुक्तकाे खोजी सुरु गरे ।
प्रहरीले महालक्ष्मी नगरपालिका-४ कमल पोखरी बस्ने काभ्रे घर भएका ३८ वर्षीय राम कुमार श्रेष्ठलाई पक्राउ गरी थप अनुसन्धान भइरहेको महानगरीय प्रहरी परिसर ललितपुरले जनाएको छ ।
