प्रतिनिधिसभा विघटनविरुद्ध रिट दायर गरेका १२ जना निवेदकहरूले नै आफूहरूको रिटको सुनुवाइ वृहत् पूर्णइजलासमा गर्न माग गर्दै सर्वोच्चमा निवेदन दिएका छन् ।

अधिवक्ता लोकेन्द्र ओली, शालिकराम सापकोटा, कञ्चनकृष्ण न्यौपाने, दीपक राई, वरिष्ठ अधिवक्ता दिनेश त्रिपाठी लगायतले सर्वोच्चका १२ जनाभन्दा बढी न्यायाधीशको वृहत् पूर्ण इजलासमा बहस गर्न माग गरेका हुन् ।

महत्त्वपूर्ण मुद्दामा यसअघिको नजिर पनि त्यही रहेको उनीहरूको दाबी छ ।सर्वोच्चको संवैधानिक इजलासमा ती रिटहरूमाथि बुधवारदेखि निरन्तर सुनुवाइ हुँदैछ । संसद विघटनविरुद्ध सर्वोच्चमा १२ वटा रिट परेका थिए ।