काठमाडौं । हरिसिद्धि (ललितपुर) बाट एक पुरुष हराएका छन् । मंगलबार तीन बजे हरिसिद्धि-२८ बाट स्थायी घर सोलु भएका तम्बरप्रसाद निरौला (बोलाउने नाम ठूलोकान्छो) हराएका हुन् ।
नीलो ज्याकेट, नीलो टाउजर, म्याजिक चप्पल र कालो क्याप लगाएका उनको देब्रे आँखामा फुलो परेको छ । हेर्दा टेडो-टेडो हेर्ने उनी प्रष्ट बोल्न नसक्ने उनकी आमाले जानकारी दिइन् । उनकी आमाका अनुसार होचो शरीर तथा गहुँगोहोरो वर्णका उनी आफ्नो नामसमेत प्रस्ट भन्न सक्दैनन् ।
हरिसिद्धिबाट कर्मनसा खोला तरेर धापाखेलतर्फ लागेको सूचना पाइए पनि त्यसतर्फ खोजी गर्दा नपाइएको उनका भाइले बताए ।
‘हराएको तीन घन्टामै प्रहरीलाई मौखिक जानकारी गराएको थिए ।त्यसपछि केही गरिएको छैन,’ प्रहरीलाई जानकारी नगराइएको भन्ने प्रश्नमा उनले भने । यसबारे हरिसिद्धि प्रहरीसँग जानकारी लिँदा हुलिया मंगलबार बेलुका टिपाएको र सोपश्चात् १०० मा जानकारी गराएको बतायो ।
