पोखरा । कास्की प्रहरीले चोरीको सामानसहित दुई युवकलाई पक्राउ गरेको छ ।
रोल्पा स्थायी घर भई पोखरा बस्दै आएका १९ वर्षीय दीपक मगर र पोखरा महानगरपािलका–२२ पुम्दीभुम्दीका १९ वर्षीय अनिस बराईली पक्राउ परेका हुन् ।
उनीहरुले मंसिर २३ गते पोखरा महानगरपालिका–३ तेर्सापट्टीस्थितप्रविण बैधको घरमा रहेको क्यानन (इओएसडी) क्यामरा चोरी गरेको थिए ।
क्यामरो चोरी भएपछि बैधले जिल्ला प्रहरी कार्यालय कास्कीमा जाहेरी दिएका थिए । सोही आरोपमा उनीहरु पक्राउ परेको कास्की प्रहरी प्रमुख जीवन श्रेष्ठले बताए ।
उक्त क्यामेराको अन्दाजी बजारमूल्य २ लाख ५० हजार रुपैयाँ रहेको छ ।
उनीहरुमाथि चोरी तथा डाँका सम्बन्धी कसुर अन्तर्गत अनुसन्धान भइरहेको प्रहरीले जनाएको छ ।
