काठमाडौं ।नेपाल एयरलाइन्सले नेपाल दिल्ली उडानका लागि टिकट बिक्री गर्न सुरु गरेको छ ।
एयर ट्रान्सपोर्ट बबल स्कीममार्फत दिल्ली काठमाडौं नेपाल एयरलाइन्स र एयर इण्डियाले उडान सुरु गर्न लागेपछि एयरलाइन्सले टिकट बिक्री गर्न सुरु गरेको हो ।
एयरलाइन्सका अनुसार काठमाडौंबाट दैनिक एक जहाज दिल्ली जाने छ र दिल्लीबाट यात्रुलाई काठमाडौं फर्किनेछ ।
आगामी बिहीबारबाट काठमाडौं-दिल्ली नियमित हवाई उडान सुरु हुँदै छ । निगमले पहिलो चरणमा न्यारोबडी जहाजबाट उडान सुरु गर्नेछ । यात्रुको चापसँगै ठूलो जहाज उडाउने तयारी निगमको छ । भारतबाट एयर इण्डियाले काठमाडौंमा उडान गर्ने अनुमति पाएको छ । तर उसले उडान मिति तोकिसकेको छैन ।
लकडाउन सुरु भएसँगै नेपाल भारत हवाई उडान बन्द भएको थियो । सरकारले भदौबाट अन्तर्राष्ट्रिय उडान खुला गरे पनि भारतसहित दक्षिण एसियाली मुलुकका लागि भने अनुमति निदँदा उडान हुन सकेको थिएन ।
