कास्की । कास्कीमा लागूऔषधसहित तीन जना पक्राउ परेका छन् । जिल्ला प्रहरी कार्यालय कास्कीबाट खटिएको प्रहरीको गस्ती टोलीले लागुऔषधसहित उनीहरुलाई पक्राउ गरेको हो ।
उनीहरुको साथबाट लागूऔषध डाईजापाम–६४एम्पुल, नुर्फिन–६५ एम्पुल, फेनेरागन–६७ एम्पुल, गाँजा २० ग्राम, मोबाइल २ वटा र २ हजार ८४०रुपैयाँ नगद फेला परेको छ ।
कास्कीका प्रहरी पक्राउ पर्नेमा कास्की पोखरा महानगरपालिका–१२ माटेपानी बस्ने बर्ष ३२ को रमेश गुरुङ, कास्की पोखरा महानगरपालिका–११ काहुभन्ज्याङ बस्ने बर्ष २१ को मुकेश विक र कास्की पोखरा महानगरपालिका–१२ चापापानी बस्ने बर्ष २९ को नवराज गुरुङ छन् । उनीहरुमाथि थप अनुसन्धान भइरहेको छ ।
