केही दिनदेखि नेपाल भित्रिरहेको दक्षिणपूर्वी अरेबियन सागरबाट जलवाष्पयुक्त हावा आज (सोमबार) देखि आउन बन्द भएको मौसम पूर्वानुमान महाशहाखाले जनाएको छ ।
हाल देशमा पश्चिमी वायुको आंशिक प्रभाव रहेको छ । जसका कारण आज राति प्रदेश १ को पहाडी भेगमा एक-दुई स्थानमा हल्का वर्षाको सम्भावना छ ।
आज (आइतबार) दिउँसो प्रदेश १, प्रदेश ३, तथा सुदूरपश्चिम प्रदेशका केही भूभागमा आंशिक बदली रहने महाशाखाले जनाएको छ ।
त्यस्तै आज राति प्रदेश नं १ र गण्डकी प्रदेशका पहाडी भूभागमा आंशिक देखि सामान्य बदली रहने छ । प्रदेश १ को पहाडी भूभागका एक दुई स्थानमा हल्का वर्षाको सम्भावना समेत छ ।
सोमबार देशको पहाडी भूभागहरुमा आंशिक बदली रही बाँकी भेगमा मौसम सामान्यतया सफा रहनेछ ।
मंगलबार पनि देशको पहाडी भूभागहरुमा आंशिक बदली रही बाँकी भेगमा मौसम सामान्यतया सफा रहने महाशाखाले जनाएको छ ।
