ललितपुर । लाखौं रुपैयाँ ठगी गरी फरार रहेका एक व्यक्ति पक्राउ परेका छन् ।
नुवाकोट ककनी गाउँपालिका–४ घर भई हाल काठमाडौंको माछापोखरी बस्ने ३८ वर्षीय सुवास लामालाई प्रहरीले पक्राउ गरेको हो ।
लामा विरुद्ध काठमाडौं जिल्ला अदालतले ठगी मुद्दामा बिगो १२ लाख ३० हजार रुपैयाँ तिर्न आदेश दिएको थियो ।
सो रकम नतिरी फरार रहेका लामालाई मंगलबार ललितपुरको टिकाथलीबाट नियत्रणमा लिइएको प्रहरीले जनाएको छ ।
प्रहरीका अनुसार, उनलाई आवश्यक कारवाहीका लागी काठमाडौं जिल्ला अदालत पठाइएको छ ।
