सप्तरी । बालिकामाथि यौन दुर्व्यवहारको अभियोगमा एक वृद्ध पक्राउ परेका छन् ।
पक्राउ पर्नेमा सप्तरी तिरहुत गाउँपालिका–५ लोहजारा ७६ वर्षीय लक्ष्मी महतो रहेका छन् ।
महतोमाथि स्थानीय ७ वर्षीया बालिकालाई बलात्कार प्रयास गरेको उजुरी आएपछि उनलाई पक्राउ गरिएको सप्तरी प्रहरीले जनाएको छ ।
ती बालिकालाई घरमा बोलाएर दूधभात खान दिएर महतोले बलात्कारको प्रयास गरेको प्रहरीले जनाएको छ ।
बालिका डराएर चिच्याएपछि स्थानीयले बालिकाको उद्धार गरेका थिए ।
पक्राउ परेका महतोलाई हिरासतमा लिएर थप अनुसन्धान भइरहेको डिएसपी नरेश सिंहले बताए ।
