काठमाडौं । गृह मन्त्रालयले काठमाडौं उपत्यकाका दुई जिल्लाका प्रहरी प्रमुखसहित एसएसपीको सरुवा गरेको छ।
गृह मन्त्रालय स्रोतका अनुसार काठमाडौं प्रहरी प्रमुखमा अशोक सिंह र ललितपुर प्रहरी प्रमुखमा किरण बज्राचार्यको सरुवा भएको हो ।
सिंह प्रधान कार्यालय र बज्राचार्य महानगरीय प्रहरी कार्यालयमा कार्यरत थिए ।
हाल काठमाडौंमा श्याम ज्ञवाली र ललितपुरमा टेकप्रसाद राई कार्यरत छन् ।
ललितपुरको सरुवा गर्ने समय भए पनि काठमाडौं प्रहरी प्रमुख भने एक वर्ष नपुग्दै सरुवा गरिएको हो ।
श्याम ज्ञावालीलाई आठ महिनामै सरुवा गरिएको हो ।
यस्तै ट्राफिक प्रहरी प्रमुखमा रामकृपाल साहको सरुवा गरिएको छ ।
तालिम केन्द्रमा पनि एसएसपीहरु हेरफेर गरिएको छ ।
