काठमाडौं । काठमाडौंको चन्द्रागिरि नगरपालिकामा बालिका बलात्कार गरेको अभियोगमा एक युवक पक्राउ परेका छन् ।
पक्राउ पर्नेमा २३ वर्षीय सुरेश लोहार छन् ।
चन्द्रागिरि नगरपालिका–२, बसुण्डोलकी १४ वर्षीया बालिकालाई बलात्कार गरेको अभियोगमा छिमेकी सुरेश पक्राउ परेका हुन् ।
महानगरीय प्रहरी वृत्त, थानकोटका डिएसपी घनश्याम श्रेष्ठका अनुसार सोमबार साँझ बालिकाको परिवारले उजुरी दिएपछि युवक पक्राउ परेका हुन् ।
पीडितको सोमबार नै थापाथलीस्थित प्रसुती गृहमा स्वास्थ्य परीक्षण गराइएको उनले बताए ।
बालिकालाई भेट्न बोलाएर कोठामा लगी सुरेशले करणी गरेको पीडित परिवारको जाहेरीमा उल्लेख छ ।
सुरेशलाई मुलुकी अपराध संहितामा भएको करणी सम्बन्धी कसुरमा म्याद थप गरेर अनुसन्धान भइरहेको छ ।
