कपिलवस्तु । कपिलवस्तुको बाणगंगा नगरपालिका–५ कोपवामा दुर्घटना हुँदा ४० वर्षीय रामकली चौधरीको मृत्यु भएको छ । श्रीमान् श्रीमती चढेको मोटरसाइकल सो स्थानमा दुर्घटना हुँदा उनको मृत्यु भएको हो । 

इलाका प्रहरी कार्यालय पिपराका प्रहरीका अनुसार बाणगंगा–११ का अनिरुद्र चौधरीले चलाएको मोटरसाइकल अनियन्त्रित भई दुर्घटना हुँदा उनकी श्रीमती रामकलीको मृत्यु भएको हो । 

दुर्घटनामा अनिरुद्रसमेत घाइते भएका छन् । दुर्घटनापछि अनिरुद्रले श्रीमतीलाई सडकमै छाडेर अटो रिक्सा लिन घर गएका थिए । घरबाट आउँदा श्रीमतीको मृत्यु भएको देखेपछि उनले प्रहरीलाई खबर नगरी पुनः घर लगेको खुलेको छ ।