काठमाडौं । लोकसेवा आयोगले निजामती सेवातर्फ झन्डै तीन सय पदका लागि आवेदन मागेको छ ।
आज (बुधबार) गोरखापत्रमा सुचना प्रकाशित गर्दै आयोगले स्वास्थ्यसहित झण्डै तीन सय प्राविधिक पदमा आवेदन मागेको हो ।
७० प्रतिशत खुला र ३० प्रतिशत आन्तरिक बढुवाको विज्ञापन रहेको लोकसेवा आयोगले जनाएको छ ।
सङ्घीय मामिला तथा सामान्य प्रशासन मन्त्रालयले रिक्त स्वास्थ्यतर्फ सातौं आठौं तह र निजामतीतर्फ राजपत्राङ्कित तृतीय श्रेणीको अधिकृत पदमा पदपूर्तिका लागि केही समयअघि मात्रै माग पठाएको थियो ।
सामान्य प्रशासनको यही मागका आधारमा लोकसेवा आयोगले पदपूर्तिका लागि विज्ञापन आह्वान गरेको हो ।
