काठमाडौं । काठमाडौं महानगरपालिकाले उपभोक्तालाई स्वस्थ खसीबोका मात्रै खरिद गर्न आग्रह गरेको छ ।
दसैँको मुखमा खसी बोकाको बिक्री वितरण सुरु भएसँगै महानगरपालिकाका पशुसेवा महाशाखा प्रमुख डा.अवधेश झाले आमउपभोक्तालाई यस्तो आग्रह गरेका हुन् ।
उनले स्वास्थ्य बोकामा हरियो रङ र अस्वस्थ खसीबोकामा रातो रङ लगाइएको हुने जानकारी दिए । उपत्यकाका खसीबोकामा बजारमा नियमित अनुगमन गरी महानगरपालिकाले स्वस्थ र अस्वस्थ खसीबोका र च्याङ्ग्राको पहिचान गरी रङ लगाइने गरेको उनले जानकारी दिए ।