विराटनगर । विराटनगरको विराट अस्पतालको दुई तलामथिबाट हाम फाल्दा एक बिरामीको मृत्यु भएको छ ।
विराटनगरको विराटनर्सिङ होम (विराटनगर अस्पताल)बाट हामफाल्दा मोरङ मिक्लाजुङ गाउँपालिका-३ का ५३ वर्षीय अमृत गजमेरको मृत्यु भएको हो ।
आइसियुमा उपचाररत उनी फोक्सोका गम्भीर बिरामी थिए । जिल्ला प्रहरी कार्यालय मोरङका अनुसार गजमेर १७ असोजमा उपचारका लागि सो अस्पताल भर्ना भएका थिए । फोक्सोमा गम्भीर समस्या देखिएको भन्दै चिकित्सकको सल्लाहमा उनलाई आइसियूमा भर्ना गरी उपचार गरिँदै आइएको थियो ।
आइसियूबाट गर्मी भएको बहाना बनाउँदै बाहिर निस्किएका गजमेरले सोमबार बिहान सो अस्पतालको दुई तलामाथिबाट हामफालेका थिए ।
