हुम्ला । श्रीमतीलाई दिसा खुवाउँदै गाउँ डुलाउने श्रीमानसहित सात जना पक्राउ परेका छन् ।
हुम्लाको सिमकोट गाउँपालिका–७ ओख्रेनाकी २३ वर्षीया महिलालाई परपुरषसँग सम्बन्ध राखेको आरोपमा उनका श्रीमानले दिसा खुवाउँदै गाउँ डुलाएका थिए ।
श्रीमतीलाई अमानवीय व्यवहार गर्ने श्रीमानसहित सात जनालाई पक्राउ गरिएको जिल्ला प्रहरी कर्यालय हुम्लाका प्रहरी नायब उपरीक्षक (डिएसपी) सुर्य सुवेदीले जानकारी दिए । ती महिलालाई प्रहरीले उद्दार गरिसकेको सुवेदीले बताए ।
परपुरुषसँग लागेको आरोपमा श्रीमान र केही गाउँलेले कुटपिट गरेर आफूलाई दिसासमेत खुवाइएको र मोसो दलेर जुत्ताको माला समेत लगाएको ती महिलाले प्रहरीसमक्ष बताएकी छन् ।
पक्राउ परेका सातजनामाथि थप अनुसन्धान भइरहेको प्रहरीले जनाएको छ ।
अहिले पीडित महिलालाई संरक्षणका लागि महिला तथा बालबालिका सेवा केन्द्रमा राखिएको छ ।
उनको दुई वर्षीया छोरी र चार वर्षका छोरा छन् ।