धादिङ । धादिङको निलकण्ठ नगरपालिका कार्यालय सिल गरिएको छ ।
नगरपालिकाको स्वास्थ्य शाखामा कार्यरत एक नर्सलाई कोरोना संक्रमण पुष्टि भएसँगै कार्यालय सिल गरिएको प्रमुख प्रशासकीय अधिकृत तुल्सीराम पौडेलले बताए ।
कार्यालयका कर्मचारीलाई क्वारेन्टाइनमा राखिएको र सबैजनाको पिसिआर परीक्षण गरिने उनले बताए ।
यसैबीच, जिल्ला अस्पताल धादिङका मेडिकल सुपरिटेन्डेन्ट र गाइनोक्लोजिस्टलाई पनि कोरोना संक्रमण पुष्टि भएको छ ।
अस्पतालमा उपचाररत एक सुत्केरीमा समेत कोरोना संक्रमण भएको आशंका गरिएको छ । उनको पनि पिसिआर परीक्षण गरिने बताइएको छ ।
