नेपालमा कोरोनाबाट निको हुनेको संख्या ५० हजार नाघेको स्वास्थ्य तथा जनसंख्या मन्त्रालयले जनाएको छ । यो संगै देशभर सक्रिय संक्रमितको संख्या १८ हजार ४३७ जना छन् ।
जसमध्ये संस्थागत आइसोलेशनमा ८ हजार ६१४ जना छन् । साथै ११ हजार ४४९ जनाको पिसिआर परीक्षण गरिएको छ । पछिल्लो २४ घण्टामा बिहीबार ४ सय ५७ जना संक्रमित निको भएर घर फर्किएसँगै निको हुनेहरूको संख्या ५० हजार ४ सय ११ पुगेको हो । यो कूल संक्रमितको ७२.७४ प्रतिशत हो ।
पछिल्लो २४ घण्टामा नेपालमा थप १ हजार ४९७ कोरोना संक्रमण पुष्टि भएको छ । योसँगै नेपालमा कोरोना संक्रमितको संख्या ६९ हजार ३०१ पुगेको छ ।
बुधबार नेपालमा १ हजार ८९३ जना संक्रमित निको भएका थिए । मन्त्रालयका अनुसार पीसीआर विधिबाट हालसम्म ९ लाख ५५ हजार ९२३ परीक्षणहरु गरिएका छन् । यस्तै, २४ घण्टामा ११ हजार ४४९ परीक्षण भएका छन् ।
