धादिङ । धादिङमा एक युवकको मृत्यु भएको छ।
अरिङ्गाल पोल्न जाँदा रुखको हाँगा भाँचिदा लडेर त्रिपुरासुन्दरी गाउँपालिका-४ का मृतक ३५ वर्षीय अर्जुनबहादुर थापामगरको मृत्यु भएको हो ।
अरिङ्गाल पोल्न रुख चढेका उनी हाँगा भाँचिदा लडेका थिए । त्यसैगरी, अर्का २४ वर्षीय राजवीर गुरुङ घाइते भएका छन् ।
जिल्ला प्रहरी कार्यालयका अनुसार रुखबाट लड्दा टाउकामा चोट लागि गम्भीर घाइते भएका मगर र गुरुङलाई उपचारका लागि धादिङ अस्पताल ल्याउँदै गर्दा मगरको बाटोमै मृत्यु भएको थियो ।
त्यसैगरी, गुरुङलाई धादिङ अस्पतालमा सामान्य उपचारपश्चात् थप उपचारका लागि काठमाडौ ल्याइँदै छ ।
