काठमाडौं । पर्वतमा पहिरोले घर पुरिएर तीन वर्षीया बालिकाको मृत्यु भएको छ । जिल्लाको फलेवास नगरपालिका–४ मा पहिरोले घर पुरिएर बालिकाको मृत्यु भएको हो ।
आइतबार रातभर भएको अविरल वर्षाको कारण आएको पहिरोले सिर्सुवाका नवीन विकको घर पुरिएर बालिकाको मृत्यु भएको प्रहरीले जनाएको छ ।
अहिले मृतक बालिकाको शव निकालिएको प्रहरीको भनाइ छ । यसबारे उद्धार भइरहेको र के कति क्षति भयो भन्नेबारे अनुसन्धान भइरहेको प्रहरीले जनाएको छ ।