काठमाडौं । दिवंगत पत्रकार बलराम बानियाँको परिवारलाई साढे तीन लाख आर्थिक सहयोग प्रदान गरिएको छ ।
अमेरिकाको न्युयोर्कमा राधाकृष्ण देउजाको पहलमा संकलित रकम मंगलबार उनकी छोरी सुस्मीतालाई हस्तान्तरण गरिएको हो ।
‘गोफण्ड’ मार्फत एक सातामा तीन लाख ५७ हजार एक सय ६७ रुपैयाँ संकलन भएको थियो ।
बानियाँको पेशागत इमान्दारिताको सम्मानका लागि रकम संकलन अभियान सुरु गरिएको बताइएको छ ।
संकलित रकम परिवारलाई हस्तान्तरण गरेसँगै सो अभियान बन्द गरिएको देउजाले बताए ।
काभ्रेका स्थानीय देउजा लामो सयमदेखि अमेरिकामा बसोबास गर्दै आएका छन् ।
पत्रकार बानियाँकी छोरी सुस्मिताले बुबाको सहज मृत्यु नभएको भन्दै छानविन गर्नुपर्ने माग गर्दै आएकी छिन् ।