काठमाडौं । नेपालमा कोरोना संक्रमितको संख्या ४५ हजार नाघेको छ । स्वास्थ्य तथा जनसंख्या मन्त्रालयले शनिबार सार्वजनिक गरेको विवरणअनुसार देशभर कोरोना संक्रमितको कुल संख्या ४५ हजार २ सय ७७ पुगेको छ । जसमध्ये ४ सय ८ जना काठमाडौं उपत्यकाका छन् ।
स्वास्थ्य तथा जनसंख्या मन्त्रालयका अनुसार इलाममा १, उदयपुर ३, ओखलढुङ्गामा २ झापामा ७, माेरङमा ३५, सुनसरीमा २०, धनुषामा ७, पर्सामा १०, बारामा १३, महाेत्तरीमा २६, सप्तरीमा २०, सर्लाहीमा १७, सिरहामा ४१, काठमाडौंमा ३२६, काभ्रेमा ६, चितवनमा ४५, दाेलखामा ६, धादिङमा १०, नुवाकोटमा १, भक्तपुरमा ४५, मकवानपुरमा ३५, रामेछापमा ५, ललितपुरमा ३७, र सिन्धुलीमा २ जनामा कोरोना पुष्टि भएको छ ।
यस्तै कास्कीमा २३, गोरखामा १७, तनहुँमा ३, नवलपरासीपूर्वमा ५, पर्वतमा १, लमजुङमा २२, बागलुङमा ६, स्याङ्जामा ३, अर्घाखाँचीमा १, कपिलवस्तुमा १, गुल्मीमा ६, दाङमा ३९, नवलपरासीमा १३, पाल्पामा ३, प्यूठानमा १, बर्दियामा ७, बाँकेमा ६२, रुपन्देहीमा ७१, रोल्पामा १, जाजरकाेटमा ३, दैलेखमा ३, सल्यानमा २, कञ्चनपुरमा ५, कैलालीमा ४, डडेल्धुरामा १, डोटीमा २ र बझाङमा १६ कोरोना संक्रमित थपिएकाे स्वास्थ्य मन्त्रालयले जनाएको छ ।
मन्त्रालयका अनुसार शनिबार १ हजार ५ सय ६६ जना कोरोना संक्रमित डिस्चार्ज भएका छन् । हालसम्म डिस्चार्ज हुनेको संख्या २७ हजार १ सय २७ पुगेको छ ।
पछिल्लो २४ घण्टामा १२ हजार ४ सय ७३ जनाको पिसिआर परीक्षण गरिएको छ । देशभर सक्रिय संक्रमितको संख्या १७ हजार ८ सय ७० रहेको छ । हाल क्वारेन्टिनमा ६ हजार ५ सय ६१ जना रहेका छन् ।
