जनकपुरधाम । एक महिलाले एकैपटक चार बच्चा जन्माएकी छिन् । चार बच्चा जन्माएपश्चात् ती महिलाको मृत्यु भएको छ ।
धनुषाको विदेह नगरपालिका–७ जोगियारा टोलकी अमिरुल खातुनले जनकपुरधामस्थित काब्या अस्पतालमा शल्यक्रियामार्फत चार बच्चा जन्मिएका हुन् ।
उनको आइसियुमा राखेर उचार गर्दागर्दै मृत्यु भएको थियो । उनमा स्वासप्रश्वासमा समस्या देखिएको थियो । सो समस्याकै कारण उनको बुधबार मृत्यु भएको हो ।
मृतक महिलाबाट एक छोरा र तीन छोरी जन्मेका छन् । छोराको तौल एक किलो ५ सय ग्राम र छोरीहरुको तौल एक किलो दुई सय ५० ग्राम रहेको छ । हाल चारैजना बच्चालाई एनआईसीयुमा राखिएको छ ।
मृतकको स्वाब संकलन गरी जनकपुरकै प्रादेशिक प्रयोगशाला पठाइएको छ ।
