पाल्पा । तिनाउ गाउँपालिका–३ स्थित श्रीडाँडामा ढुङ्गासहितको पहिरो खस्दा एक जनाको मृत्यु भएको छ ।
मृत्यु हुनेमा माथागढी गाउँपालिका–७ रहवासकी २९ वर्षीया समीक्षा सोमै रहेको जिल्ला प्रहरी कार्यालय पाल्पाका प्रहरी उपरीक्षक मदन गिरीले जानकारी दिए ।
पहिरो खस्दा घाइते भएकी समीक्षाको बुटवलस्थित लुम्बिनी सिटी अस्पतालमा उपचारका क्रममा गएराति मृत्यु भएको प्रउ गिरीले बताए ।
समीक्षाकी तीन वर्षीया छोरी करिष्मा पहिरोले च्यापेर घाइते भएकी छिन् ।
उनको लुम्बिनी सिटी अस्पतालमा उपचार भइरहेको छ ।
