काठमाडौं उपत्यकामा पछिल्लो २४ घण्टामा थप ३७७ जनामा कोरोना भाइरस (कोभिड–१९) संक्रमण पुष्टि भएको छ ।
बिहीबार स्वास्थ्य तथा जनसंख्या मन्त्रालयको नियमित प्रेस ब्रिफिङमा मन्त्रालयका प्रवक्ता प्रा.डा. जागेश्वर गौतमले उपत्यकामा ३७७ जना संक्रमित थपिएको जानकारी दिए ।
प्रवक्ता गौतमका अनुसार काठमाडौंमा मात्र २७० जना संक्रमित थपिएका हुन् । त्यसैगरी भक्तपुरमा ४१ र ललितपुरमा ६६ जनामा कोरोना संक्रमण देखिएको उनले बताए ।