कलैया । बाराको महागढीमाई नगरपालिका–२ भूतहीपुल नजिकै मोटरसाइकल दुर्घटनामा हुँदा एक जनाको मृत्यु भएको छ ।
आज बिहान ९ बजेका समयमा रौतहटबाट कलैयातर्फ आइरहेको ना ६१ प ६६४० नम्बरको मोटरसाइकल आफैँ अनियन्त्रित भएर पल्टिएको स्थानीयले बताएका छन् ।
दुर्घटनामा मोटरसाइकल चालक रौतहटका ३५ वर्षीय सुरेशचन्द्र पटेलको मृत्यु भएको प्रहरी प्रवक्ता गौतम मिश्रले जानकारी दिए ।
गम्भीर घाइते भई उपचारका लागि कलैया अस्पताल लैजाँदै गर्दा उनको मृत्यु भएको हो ।
मोटरसाइकल भने प्रहरी चौकी बरियापुरमा राखिएको छ ।
