रोल्पा । रोल्पामा चिर्पटले हानेर ४० वर्षीय मनबहादुर बादीको हत्या गरिएको छ ।
सो जिल्लाको परिवर्तन गाउँपालिका–२ बगमारामा चिर्पटले हानेर ४० वर्षीय मनबहादुर बादीको हत्या गरिएको हो । मृतक स्थानीय व्यापारी पनि हुन् ।
गएराति दुई बजे चिनी किन्न भन्दै पसलमा आएका ग्राहकालई मृतक मनबहादुरले ‘चिनी छैन’ भनेपछि उनीमाथि आक्रमण गरिएको बताइएको छ । हाल सो घटनाबारे अनुसन्धान भइरहेको बताइएको छ ।
जिल्ला प्रहरी कार्यालय रोल्पाका डिएसपी चित्रबहादुर गुरुङका अनुसार हत्यामा संलग्न स्थानीय ४४ वर्षीय रामचरण बादीलाई नियन्त्रणमा लिइएको छ ।
