काठमाडौं । सिरहामा चार जनाको मृत्यु भएको छ । दुई दिनको बीचमा मृत्यु भएकाहरुमा एकैखालको लक्षण देखा परेको थियो ।
सखुवानन्कारकट्टी गाउँपालिका–१ कटैया गाउँमा मृतक भएकाहरुमा टाउको दुख्ने, वान्ता आउने र बेहोस हुनेजस्ता लक्षण देखिएको बताइएको छ ।
फरकखालको लक्षण देखा परी मृत्यु हुनेमा कटैयाका ३५ वर्षीय रामउदगार मुखिया, ३० वर्षीय जितेश मुखिया, ३८ वर्षीय श्यामदेव यादव र ६५ वार्षीय कुसेश्वर मुखिया छन् ।
एकै खालको लक्षण देखा परी चारजनाको मृत्यु भएसँगै सो गाउँका बासिन्दा नै त्रासमा रहेको बताइएको छ ।मृतकका बारे थप अनुसन्धान भइरहेको बताइएको छ ।
