काठमाडौं । कोहलपुर मेडिकल कलेजमा कोरोना भाइरस संक्रमित गर्भवतीको शल्यक्रिया सफल भएको छ । स्त्रीरोग विशेषज्ञसहितको टोलीले शनिबार बिहान कोरोना संक्रमित गर्भवतीको शल्यक्रिया सफलतापूर्वक गरेको हो ।
बुटवल उपमहानगरपालिका–११ नहरपुरकी २८ वर्षीया उनी पेट दुखेपछि प्रादेशिक अस्पताल बुटवल पुगिकी थिइन् । परीक्षणको क्रममा उनमा कोरोना पुष्टि भएको थियो ।
थप उपचारका लागि सो अस्पतालले काठमाडौं वा नेपालगञ्ज लैजान सुझाव दिए पनि उनी कोहलपुर पुगिन् । तर, चिकित्सकले तत्काल शल्यक्रिया आवश्यक नरहेको भनेर आइसोलेसनमा राखी निगरानी गरिएको थियो ।
नवजात शिशुमा भोलि कोरोना परीक्षण गरिने बताइएको छ । सो अस्पतालका अनुसार हालसम्म चार कोरोना संक्रमितले गर्भवतीको शल्यक्रिया गरिएको छ । गर्भवतीका श्रीमानमा पनि कोरोना पुष्टि भएको छ ।
