काठमाडौं । प्रहरीले माछापोखरीबाट दुईवटा पेस्तोल, त्यसमा लाग्ने दुई म्यागजिनसहित १० राउण्ड गोली बरामद गरेको छ ।
महानगरीय अपराध महाशाखाका अनुसार पक्राउ पर्नेमा नुवाकोटको शिखरवेसी–६ का विकेश पण्डित र नुवाकोटको लिपु गाउँपालिका–१ का २८ वर्षीय अमर तामाङ छन् ।
हतियार लिएर आउने क्रममा पण्डित पक्राउ परेका हुन भने तामाङलाई उनकै घर नुवाकोटबाट पक्राउ गरिएको हो । प्रहरी महाशाखाका अनुसार पण्डित तामाङले दिएको हतियार लिएर आउँदै गर्दा प्रकाउ परेका हुन् ।
तामाङ डाँकासम्बन्धी मुद्दामा ६ वर्ष २ महिना कैद भुक्तान गरेर गत २२ फागुनमा छुटेका थिए ।
