काठमाडौं । कोरोना भाइरस (कोभिड–१९) संक्रमणबाट काठमाडौंमा एक वृद्धको मृत्यु भएको छ ।
काठमाडौं असनका ९४ वर्षका वृद्धको मृत्युपछि कोरोना संक्रमण पुष्टि भएको हो ।
उनको भदौ १ गते राति मृत्यु भएको थियो । मृत्युपछि उनको स्वाब परीक्षण गरिएको थियो ।
आज (बुधबार) आएको रिपोर्टमा उनमा कोरोना संक्रमण पुष्टि भएको स्वास्थ्य मन्त्रालयल स्रोतले जानकारी दिएको छ ।
ती वृद्धमा निमोनिया तथा छातीसम्बन्धी रोग रहेको समेत मन्त्रालयले बताएको छ ।
