काठमाडौं । संघीय सांसद सदस्य यज्ञबहादुर बोगटीलाई कोरोना संक्रमण पुष्टि भएको छ ।
मंगलबार आएको रिपोर्टमा कोरोना पोजेटिभ देखिएको बोगटीले जानकारी दिएका छन् ।
ललितपुरमा उनी बस्ने टोलमा एक जनालाई कोरोना संक्रमण देखिएपछि उनले शुक्रराज ट्रपिकल तथा सरुवा रोग अस्पताल टेकुमा स्वाबको नमुना दिएका थिए ।
कोरोना संक्रमण पुष्टि भएसँगै उनी कीर्तिपुरस्थित आयुर्वेद अस्पतालको आइसोलेसनमा बसेका छन् ।
बोगाटी अछाम–२ बाट निर्वाचित सांसद हुन् ।
गत साउन १७ गते अछामबाट काठमाडौं फर्किएका उनी साउन २५ गतेसम्म संसदीय समितिको बैठकहरुमा सहभागी भएका थिए ।
