काठमाडौं ।सशस्त्र प्रहरी बल प्रधान कार्यालयले बाराका सशस्त्र प्रहरी सशस्त्र प्रहरी बल उपरीक्षक (एसपी) दिग्विजय सुवेदीलाई जिम्मेवारीबाट हटाइ सशस्त्र प्रहरी बल गण नम्बर–१२ बाराको इन्चार्जमा रविनराज कर्णजितलाई काज सरुवा गरिएको छ । 

सुवेदीलाई हटाउनुको कारणबारे नखुलाइए पनि आर्थिक अनियमितता गरेकै कारण उनलाई हटाइएको आशंका गरिएको छ ।  सोबारे सशस्त्र प्रहरी प्रवक्ता (डिआइजी) राजु आर्यालले पनि केही खुलाएनन् ।

सशस्त्र प्रहरी स्रोतका अनुसार गत माघमा बारा इन्चार्जको रुपमा सरुवा भएका सुवेदीमाथि आर्थिक अनियमिताको आरोप लागेको छ ।

तीन सय कामदार भातरबाट ल्याउन दिएबापत सुवेदीले प्रतिकामदार १५ सय कमिसन लिएको उनीमािथ आरोप छ । सो  आरोपबारे छानबिन भइरहेको सशस्त्र प्रहरी बल प्रधान कार्यालयले बताएको छ ।