काठमाडौं । वरिष्ठ परम्परागत चित्रकार प्रेममान चित्रकारको निधन भएको छ ।
चित्रकारको ७८ वर्षको उमेरमा आइतबार निधन भएको हो। नेसनल हस्पिटल कलङ्कीमा उपचारका क्रममा उनको आइतबार अपराह्न १ः३० बजे निधन भएको नेपाल ललितकला प्रज्ञा प्रतिष्ठानका कुलपति कान्छाकुमार कर्माचार्यले जानकारी दिए ।
नेपाल ललितकला प्रज्ञा प्रतिष्ठानले उनको निधनप्रति आइतबार एक शोक वक्तव्य जारी गर्दै दिवङ्गत आत्माको चीरशान्तिको कामना गरेको छ । साथै, प्रतिष्ठानले उनीप्रति श्रद्धञ्जली अर्पण गरेको छ ।
वक्तव्यमा शोक सन्तप्त परिवारजनमा धैर्य धारण गर्ने शक्ति प्राप्तिको कामनासहित समवेदना प्रकट गरिएको छ ।
