विराटनगर । विराटनगर महानगरपालिकामा आइतबार बिहान थप ४३ जनामा कोरोना संक्रमण पुष्टि भएको छ ।
आइतबार ३० जना पुरुष र १९ जना महिलामा कोरोना संक्रमण पुष्टि भएको महानगरपालिकाले जनाएको छ ।
संक्रमित हुनेहरुमा पाँचदेखि ६३ वर्षसम्मका छन् ।
साउन २७ र २८ गते स्वाब संकलन गरिएको स्वाब परीक्षण गर्दा ४३ जनाको कोरोना रिपोर्ट पोजेटिभ आएको हो ।
विराटनगर वडा नम्बर–२ मा चार, वडा नम्बर–३ मा ६, वडा नम्बर–४ मा तीन, वडा नम्बर–५ मा चार, वडा नम्बर–६ मा सात, वडा नम्बर–८ मा एक र वडा नम्बर–९, ११ र १५ मा ६–६ जना संक्रमित थपिएका हुन् ।
यससँगै विराटनगरमा कोरोना संक्रमितको संख्या ५२३ पुगेको छ ।
