कोरोना भाइरसको सङ्क्रमण समुदायस्तरमा फैलिन थालेपछि काठमाडौँ महानगरपालिका वडा नम्बर १४ मा अत्यावश्यक बाहेकका पसल बन्द गरिएको छ ।
वडा कार्यालयले प्रेस विज्ञप्ति निकालेर निकालेर सिल गरेको हो । आफ्नो क्षेत्रमा समुदायमा नै कोरोना फैलिसकेको निष्कर्ष निकालेर बिहीबारदेखि अत्यावश्यक बाहेकका पसल नखोल्ने निर्णय गरेको हो ।
केही दिनअघि क्यासेट पसलका एक जनालाई सङ्क्रमण देखिएको र पछि कन्ट्याक्ट ट्रेसिङ गर्दा अन्यमा पनि सङ्क्रमण पाइएको विज्ञप्तिमा उल्लेख छ । बिहीबारदेखि १५ दिनसम्म अब वडा नम्बर १४ का कलङ्की, कालीमाटी, खड्का गाउँ, कुलेश्वर, बल्खु खोलासम्मका पसल तथा गतिविधि बन्द गरिएको वडाध्यक्ष शोभा सापकोटाले जानकारी दिईन् ।
अब फलफुल तथा तरकारी व्यवसायीले बिहान ५ बजेदेखि ९ बजेसम्म मात्र पसल खोल्न पाउने छन् भने औषधिलगायत खाद्यान्न खुद्रा व्यवसायीले दुरी कायम गरेर मात्र दिनभर पसल खोल्न पाउने छन् । यसअघि कोटेश्वर, हाँडिगाँउलगायत बिविभन्न क्षेत्रहरू सिल गरिएका छन् ।
