काठमाडौं ।सर्वोच्च अदालतले स्वचालित विधिबाट पेसी तोक्ने विषयका लागि सुझावसहितको प्रतिवेदन पेसका लागि समिति गठन गरेको छ ।
सर्वोच्च अदालतले पारदर्शी र वैज्ञानिक व्यवस्थापनका लागि सो समिति गठन गरी सुझावका लागि अनुरोध गरेको हो ।
प्रधानन्यायाधीशले तजबिजमा मुद्दाको पेसी तोक्दा भ्रष्टाचार चलखेल हुने गरेको बताइएको छ । यदि सो विधि कार्यान्वयन भएमा लामो समयदेखि सो आक्षेपको निराकरण हुने अनुमान गरिएको छ ।
स्वचालित पेसी व्यवस्थापनका सम्बन्धका लागि सर्वोच्चले यसअघिका प्रतिवेदन अध्ययन गरी सो पद्धति लागू गर्ने सम्बन्धमा सुझावसहितको प्रतिवेदन पेस गर्न समितिलाई एक महिनाको कार्यविधि दिएको थियो ।
सो समितिमा वरिष्ठ न्यायाधीश दीपककुमार कार्की, हरिकृष्ण कार्की, विश्वम्भरप्रसाद श्रेष्ठ छन् ।कार्की सो समितिका अध्यक्ष हुन् भने अन्य सदस्य हुन् । यसका अलवा सो समितिमा सर्वोच्च अदालतका रजिष्टार, नायब महान्यायाधिवक्ता, नेपाल बार एसोसिएसनका अध्यक्ष,सर्वोच्च अदालत बार एसोसिएसनका सदस्य समितिमा रहनेछन् ।
