विराटनगर । प्रदेश १ की सांसद कुसुम कुमारी श्रेष्ठलाई कोरोना संक्रमण पुष्टि भएको छ ।
उनी धनकुटा जिल्लाबाट प्रदेशसभामा निर्वाचित सांसद हुन् ।
सांसद श्रेष्ठलाई बुधबार कोरोना संक्रमण पुष्टि भएको हो । उनी इटहरीमा बस्दै आएकी छन् ।
उनले शनिबार धरानमा स्वाब दिएकी थिइन् । बुधबार उनको कोरोना रिपोर्ट पोजेटिभ आएको हो ।
श्रेष्ठको स्वास्थ्य अवस्था सामान्य रहेको समेत बताइएको छ ।
प्रदेश १ मा हालसम्म कोरोना संक्रमितको संख्या एक हजार ५६३ पुगेको छ ।
तीमध्ये एक हजार १४ जना कोरोना मुक्त (डिस्चार्ज) भएका छन् ।
