चितवन । चितवनको इच्छाकामना गाउँपालिकामा पहिलो पटक कोरोना संक्रमित भेटिएका छन् ।
भरतपुर अस्पतालको कोभिड–१९ परीक्षण प्रयोगशालामा गरिएको स्वाब परीक्षणमा इच्छाकामना–५ की एक महिलामा कोरोना संक्रमण देखिएको हो ।
साउन २७ गते गरिएको ३१० स्वाब परीक्षणमा २१ जनामा कोरोना संक्रमण पुष्टि भएको हो ।
जसमध्ये इच्छाकामना–५ निवासी ७८ वर्षीया महिलासहित चितवनका १२ जना र अन्य बाहिरी जिल्लाका छन् ।
संक्रमित ७८ वर्षीया महिलाको मौलाकालिका हस्पिटलमा उपचार भइरहेको र उनको स्वास्थ्य अवस्था सामान्य रहेको बताइएको छ ।
इच्छाकामनामा पहिलो पटक कोरोना संक्रमित भेटिएसँगै चितवनका सबै (सात वटै) स्थानीय तहमा कोरोना फैलिएको छ ।
