भक्तपुर . चितुवाको छालासहित मंगलबार ७ जना पक्राउ परेका छन् । चाँगुनारायण नगरपालिका–८ सुडालबाट उनीहरूलाई महानगरीय प्रहरी परिसर भक्तपुर र महानगरीय प्रहरी अपराध महाशाखाको टोलीले पक्राउ गरेको हो ।
रामेछाप सुनपाती गाउँपालिका–५ का १९ वर्षीय कुमार लामा, १७ वर्षीय फुसाङ तामाङ, १८ वर्षीय हिमाल लामा, २१ वर्षीय पासाङ तामाङ, काभ्रेपलाञ्चोक तेमाल गाउँपालिका–९ का २२ वर्षीय सञ्जिव सिंजाली मगर, काभ्रेपलाञ्चोक रोशी गाउँपालिका–१० का वर्षीय दिपेश तामाङ र २३ वर्षीय मिलन मगरलाई प्रहरीले पक्राउ गरेकाे हाे ।
उनीहरूको साथबाट १ थान चितुवाको छाला, बा ९० प ६५१० नम्बरको मोटरसाइकल,९ थान मोबाइल बरामद गरिएको प्रहरीले जनाएकाे छ ।
