सरकारले मंगलबार एकैदिन १० हजार बढीको पिसिआर परीक्षण गरेको छ । यसअघि साउन १६ गते १० हजार ७६८ जनाकाे परीक्षण गरेकाे सरकारले आज १० हजार ४६२ जनाकाे परीक्षण गरेकाे स्वास्थ्य मन्त्रालयका प्रवक्ता डाक्टर जागेश्वर गौतमले जानकारी दिए ।

मंगलबार यतिका पिसिआर परीक्षण गर्दा ६३८ जनामा कोरोना पुष्टि भएको छ ।

योसँगै नेपालमा कोरोना संक्रमण हुनेको २३ हजार ९४८ संख्या पुगेको छ । जसमध्ये १६ हजार ६६४ जना निको भएर फर्किएका छन् । पछिल्लो २४ घण्टामा १७१ जना निको भएर घर फर्किएका छन् । हालसम्म नेपालमा सक्रिय संक्रमितको संख्या ७ हजार २०१ छन् ।

नेपालमा कोरोनाबाट हालसम्म ८३ जनाको मृत्यु भएको छ । पछिल्लो २४ घण्टामा थप ४ जनाको मृत्यु भएको छ ।